今集嘅精選景點推介就將會同大家繼續睇睇埃及有咩地標先！當中嘅地標都係由古至今有著極具意義同標誌性嘅景點，好～我哋事不延遲快啲去睇下先！
📍#曼儂巨像 #Memnon
曼儂巨像係兩座矗立於尼羅河畔附近嘅巨石柱，巨像高達20米，非常壯觀😲
而呢兩座巨大嘅石像原為阿敏何特普三世法老殿前方嘅雕像🗿歷經多年，神殿早已消失得毫無蹤跡，只留下堅守崗位嘅兩個巨像，默默地守護住消失神殿嘅原址地域
📍#未完成的方尖碑 #TheUnfinishedObelisk
呢座係史上一塊巨大且未能完工嘅古方尖碑，屹立於亞斯文嘅北部地區，據傳該地區正係古埃及時期嘅採石場🪨～
方尖碑當年由哈特謝普特女法老親自下令建造，但可惜因花崗岩上出現裂縫為由而被逼中止建造，碑上刻住不同品種嘅動物畫像及象形文字，雖說係一塊未能完工嘅作品，但其宏偉嘅外形亦令人不得不佩服古埃及人嘅文明及當年建造及雕塑工藝
📍#亞斯文水壩 #High Dam
亞斯文水壩係以控制洪水為由而所興建嘅建築物，整個龐大嘅建設被劃分為亞斯文低壩及高壩，屬當地嘅大型重力壩及發電源⚡️高低兩壩全長達3,830米（約12,570呎），並跨過尼羅河，係當地一個十分重要且具代表性嘅建築之一
——————————————————
【去旅行都可以識朋友？】
出走圍爐團，去旅行，識朋友。
一個屬於年輕人嘅旅行團。
即刻上 itinni.com了解更多啦！